“Kuve keni hi mina mudlayi” by Siya Phangeni

Siya Phangeni ✍🏿

Kuve keni hi mina mudlayi.

Emasikwini hikwawo ya ku hanya ka mina, loko ndzi langusa vananga ndzi tenga-tenga mihloti.

A ndzi ri n’wamabindzu, a ndzi ri ni ti thekisi ti nharhu leti a ti ba ti long distance. Ndzi vuye ndzi ndlandlamuxa bindzu ra mina hi ku ti nghenelerisa eka ku koka ti movha loko ti dibini, kumbe ku tlumbana. Ndzi vuye ndzi vulavula ni nsati hi xivono xa mina, hi laha nsati a nga ndzi nika mikateko no ndzi seketela leswaku ndzi sungula bindzu leri.

Bindzurin’wani ni ri n’wana ri na mitlhontlho ya rona, kambe ya leri mitlhontlho yi hambanile kule na ya lawa ya n’wanyani. Munhu u tirha tsena loko ku endleke nghozi, hi ntiyiso wa mhaka nghozi swa tika ku yi humelela. A hi heta na tin’wheti to hlaya hi nga tirhangi, hi tlhelo vachayeri va lava muholo loko n’wheti yi hela. Se a swi sungula ku ni dya profit ya mathekisi, laha hi la ndzinga vuya ndzi kunguhata ku pfala bindzu lero koka ti movha.

Ndzi vuye ndzi vulavula na vachayeri hi ku pfala bindzu, kambe va bave va khalakhasa, va vula leswaku loko ho hlanganisa ti nhloko bindzu ri nga famba kahle. Mi n’wu tivaku munhu ku nga munhu a nga laveki ku vutleliwa xinkwa enon’weni. Hi vuye hi luka manu, laha hi nga twanana ku chela diesel patwini hi masiku ya mpfula, leswaku ti movha ti ta kota ku wa. A hi ri ni mapatu lawa a hi pfumelelane ku chela ka wona ntsena, ka mapatu ya kona a ndzi byele nsati leswaku a nga tshuki a ri tirhisini, ku hikwalaho ka yini a ndzi nga n’wu byelangi. Nsati wa mina a ku ri munhu wa ku xixima rito ra mina swinene, mapatu lawa a ni n’wu byele wona a nga wa tirhisi. Hi rin’wani ra masiku movha yakwe yi be vilwa a karhi a vuya ntirhweni hala tlhelo ni foni ya yena a yi timini hikuva a siye charge ndlwini, naswona a ku na mpfula, se u nghene garage a paka movha.

Ivi hi loko Musamariya wa musa a n’wu nika lifiti ya ku ya kaya.

Kambe u tirhise rin’wani ra mapatu lawa a ndzi byele nsati leswaku a nga ya tirhisi. Nghozi yi endlekile, muchayeri u lahlekele hi vutomi kona kwalhaya, kasi nsati wa mina a tshame ka ICU ntlhanu wa tin’wheti laha a nga hetelela a hi siya emisaveni.

Mhaka leyi yi ndzi tsona vurhongo ku vona vana va mina vakula va ri hava mhani, kuve keni hi mina mudlayi wa mhani wa vona. Eminkarhi yo tala ndzi pfa ndzi twa onge xo antswa i ku ti dlaya na mina ndzi landza mhani wa vona, kambe ndzi vona onge ndzi to vanyanyisela maphokolo etimbilwini ta vona. Naswona loko ndzo vula ndzi ta va ndzi dlaya vuxaka ni vananga…

Author: Siya Phangeni
“… voko ro suleka.”