Table of contents
✍🏿 by Siyabonga Phangeni.
Papila ro hetelela…
Tinyimpi hinkwato ndzi nga ti nghenelerisa eka tona, a ku ri endlela ya kuva n’wina mi kuma vutomi byo tenga, no suka emavokweni ya vatshikeleri. Minhloti ni swivavi leswi nga ta sala endyangwini wanga, hi rifu ra mina, a ku ve swona swi cheletaka ntshuxeko.
Mi nga rivala hi mina, kambe mina a ndzi nga rivali hi n’wina.
Ndzi pfaleni mahlo mi ndzi yisa endlwini ya mina yo hetelela ndzi ya byi nuwha kona. Kambe moya wa mina wu ta tshama wu ri na n’wina hi masiku. A ndzi lavi mi ndzi xixima hi ku nika munti wanga sagwadi. A ndzi lavi mi ndzi xixima hi ku hundzula laha va nga ta veka masalela ya mina ndhawu yo dzunisela kona. A ndzi lavi ku khensiwa. Ndzi endle hikwaswo leswi ndzi nga kota ku endla swona ku ta ponisa vumundzuku bya tiko rerhu.
Loko mi ta kuma ntsumbu wa mina a mi nge he ndzi tivi, hambi lava va ndzi tivaka a va nga ha vi ni ntshembho, kumbe ku pfumela leswaka hi mina. Lava va nga vona vutinikeri ni vutiyimiseri bya mina eka tiko rerhu ndzi ta tshama ndzi ri etimbilwini ta vona tani hi nhenha leyi nga nyikela vutomi bya yona leswaku vona ni vana va vona va va ni vutomi ni vumundzuku lebyinene.
Author: Siya Phangeni
"... voko ro suleka."
